Funt ancora meda is mortus po su Coronavirus in Italia. In is urtimas binticuatru oras 627, su numuru prus artu de candu, a sa metadi de friargiu, est erribau in Italia su virus. Imoi in totu, a eriseru, seus a trintadus in pissu de is quatrumila. In impestaus funt crescius de 4670 e imoi erribant a 37.860. Contenduru totu, mortus, sanaus e impestaus s’erribat a 47.021.
“Ancora non si connoscit candu at essi sa dì cun prus mortus e impestaus, si chistionaiat de sa cida chi benit o de s’atera ancora ma non teneus peruna teoria scientifica a nosi ddu nai”, at nau su capu de sa Protetzioni Civili Angilu Borrelli.
De sa possibilidadi de allonghiai is misuras finas a s’istadi chistionat Robertu Bernabei, specialista de geriatria in su CTS: “Totu podit essiri, ancora no ddu scieus e finas a candu non eus a tenni numurus segurus non podeus nai nudda de seguru”.
Foto: https://tg24.sky.it/politica/approfondimenti/angelo-borrelli-chi-e.html
