Custa borta is regulas noas non funt erribadas cun d’unu decretu ministeriali ma cun d’una ordinanza de su ministru de sa saludi Robertu Speranza. A s’incumentzu pariant regulas ancora prus tostadas, invecias su guvernu at poi scioberau de lassai obertas is butegas de cosa de papai e is uficius puru non serrant comenti pariat. Totu custu finas a su 25 de martzu, candu finit su decretu de Conte. Facili meda chi sigat prus de su tres de arbili e totu. Cantu at a durai ddu ant decidiri su numuru de is impestaus. De oi, in dogna parti de Italia, a dogna manera, non s’at a podiri intrai in perunu parcu e in is zonas de giogu po pipius . Tropu genti chi andaiat a curriri? De oi non si podit fairi chi non una passillada, a sa sola, ma in is orus de domu.
Serrant totu is bar chi s’agatant in is statzionis e cussus a costau de is benzinajus, abarrant, invecias, obertus is Autogrill de is autostradas ma bendendu feti cosa chi si possat liai.
Foto: http://www.salute.gov.it/portale/ministro/p4_3.jsp?lingua=italiano&label=ministro
