In sa dì prus legia de cussa chi Giusepu Conte at nau “essiri sa crisi peus chi eus tentu a pustis sa segunda guerra mondiali”, cun 793 mortus e atrus 4821 malaidus de Coronavirus, su presidenti de su Consigliu, cun d’una direta insu social Facebook a merì adduru, chistionat de sa serrada “in totu Italia de totu cussu chi  non serbit po biviri”.

Serrant is fabricas, comenti pediu a bogi arta de is regionis de su Nord, abarrant obertus totu is alimentaris e totu cussus chi abisongiant: potecarias, ediculas, stangus, benzinajus, bancas, postas. Est permitiu feti su trabagliu de domu.

“Abasciaus sa produtzioni de s’Italia, ma  non dda frimaus”, narat su Presidenti de su Consigliu, a pustis chi sa Regioni Lombardia, chi eriseru at prantu 546 mortus, iat fatu un’ordinantzia po frimai uficius pubricus, studius de professionistas e cantieris.

Su decretu partit de lunis e at a balliri finas a su tres de arbili.

 

Foto: https://www.ilsussidiario.net/news/conferenza-stampa-conte-diretta-video-chiusura-totale-dopo-decreto-coronavirus/1998437/