Custu mengianu, a chissi, is carabineris, po ordini de su procuradori Gaietanu Porcu ant acapiau babbu e figliu: Joselito Marras de cincuantadus annus e su figliu Michael de bintiset’annus pastoris de Partiolla. Funt incurpaus de airi bociu is fradis Davidi e Massimilianu Mirabello, coranta e trintacinc’annus, chi ndi erribanta de Vibo Valentia. De is dus fradis calabresus non si scit nudda de su 9 de friargiu.
De s’incumentzu de s’indagu is carabineris iant sighiu s’andala de is dus pastoris, meris de unu orrogu de terra a su costau aunia biviant is piciocus bocius.
In is urtimus annus Joselito cun Michael Marras iant tentu de eita nai prus de una borta cun is Mirabello. Tra is atras cosas est a s’arregodai ca in su mesi de talamini de su 2018 Michael beniat scutu de prus de unu piciocu e de custu is indagaus funt propriu is dus fradis calabresus cun d’un’atru piciocu de Su Masu.
Galu non si scit eita acabu ant fatui s corpus de Davidi e Massimiliano, finas chi is carabineris ddus ant cicaus in dogna parti. Is arrestaus ant scioberau comenti de aboaus Patritziu Rovelli cun Maria Gratzia Monni.
Foto: https://www.sardegnaturismo.it/it/esplora/dolianova
