A eriseru, in Sardigna, funt centutrintacuatru, ominis e feminas, a ndi airi boddiu su Coronavirus de candu, in friargiu, est erribau in Italia. Digiaseti in prus de su 17 de martzu. Totu custu est cantu narat s’Unidadi de crisi regionali. In s’Isula nosta funt 1135 is provas fatas cun su tamponi, 987 negativas e de catodigi ancora si depit sciri.
Funt in corantanoi, is sardus chi s’agatant in is ispidalis de de custus seti in terapia intensiva, otantatres, invecias cussus chi funt in domu atacaus de totus. In su mentris ant dimitiu, eriseru, a pustis undigi dis de isolamentu, su primu positivu a su Coronavirus chi fut acorrau in Tatari. S’omini est ancora positivu, ma is dotoris tataresus ant decidiu de di fairi sighiri sa cunvalescentzia in domu sua, in Aristanis. Fendu aici si liberat unu postu in sa strutura de is Maladias contagiosas, aunia abarrant ancora in bintunu po binciri sa batalla cun su Covid-19
Foto: https://www.fanpage.it/attualita/sassari-si-strappa-le-flebo-e-lascia-il-reparto-trovato-morto-davanti-all-ospedale/
