Est sempiri peus s’emergentzia de su Coronavirus in Italia. E cun custa crescint is mortus puru e de eriseru ant giumpau cussus de sa Cina. Funt in totu 33.190 is impestaus, 2.498 cussus chi s’agatant in terapia intensiva, 14.935 funt in isolamentu in domu. Is sanaus in totu erribant a 4.440 e is mortus de eriseru bessint a 3405. In Cina, de aunia est erribau su virus, si funt frimaus a 3245.
Custus funti s numurus chi at donau, comenti fait dogan dì, Angilu Borrelli capu de sa Protetzioni civili. Borrelli e totu at insegus arregodau ca is volontarius chi funt trabagliendu funt erribaus a 5.905, chi funt 1432 in prus de sa dì innanti, custu po fairi biri su grandu trabagliu chi est fendu s’Italia.
In sa di de eriseru cincuantanoi malaidus funt partius de sa Lombardia po ispidalis de atras regionis.
Foto: https://www.linkiesta.it/it/article/2020/01/31/coronavirus-italia-bufale-fake-news-virus-cinese/45260/
