Is fueddus de su presidenti de su Consigliu Conte, fenduru “nominis e sangunaus” intru de mesu de s’atobiu cun is giorronalistas, aunia at nau ca tocat abarrai in domu sonumancu finas a su tres de maju, non c’est calau a Mateu Salvini e Giorgia Meloni. “Mateu Salvini cun Giorgia Meloni non bolint su beni de s’Italia, narant faulas chi erriscant de debilitai non a mei ma sa natzioni nosta”, is fueddus de Conte chi “sarvat” feti a Berlusconi de cussus de sa minorantzia.
De oras medas is capus de sa Lega e de Fratelli d’Italia iant incumentzau a morrungiai po s’acordiu chi su Guvernu at fatu cun s’Europa. Salvinia t scritu in Facebook: “Seus a su machiori: Mes, patrimoniali, tassa po sa domu, tassa po su dinari allogau, po is contus currentis, no a sa Tav, ma non sciu chi is giorronalis e is televisionis nd’ant a fueddai poita sighint a publicai feti cussu chi bolit su Guvernu”.
Po custu Conte at cicau de difendiri su trabagliu fatu de su Guvernu: “Non trabagliaus a su scuriu, ma castiaus totu is italianus in is ogus”. Inderetura Meloni e Salvini ant arrespustu: “Conte fueddat in televisioni comenti chi siaus in d’una ditadura”. Meloni avertit: “Est facili po Conte a nai cussu chi bolit in televisioni. Su presidenti de sa Republica Mattarella non tenit nudda de nai de custus modus? Mi pregontu chi est normali in d’una democratzia comenti sa nosta chi su presidenti de su Consigliu chistionit in televisioni, cun sa trassa de depiri contai is mesuras noas po su Covid, e invecias nd’aprofitat po chistionai mali de nosu, imputendunosì de nai faulas e chena peruna possibilidadi de arrespundiri”.
Salvini est ancora prus grai: “Conte non podit nai faulas in televisioni: in su 2012 sa Lega est stetia sa sola a votai contras de su Mes. Umperai sa televisioni de su Stadu po nai faulas e fairi unu cuntierra contras de Salvini e is atrus de s’opositzioni est orroba chi faiant in Unione Sovietica”.
Foto: https://www.huffingtonpost.it/entry/meloni-e-salvini-reagiscono-allattacco-di-conte-metodi-da-regime_it_5e90b870c5b6d641a6be7107
