“Pregaus oi po chini guvernat, po is scentziaus, po is politicus chi incumentzint a agatai s’orruga po ndi bessiri, e chi agatint cussa giusta chi favoressit sa genti”. Custus is primus fueddus de Papa Franciscu in sa missa de su mengianu de eriseru in Casa Santa Marta. In sa predica Franciscu at nau puru ca: “finas oi, indenanti, spereus chi siat coidendu, de s’acabu de custa pesta, s’umanidadi at a depiri scioberai intru de sa vida o, ancora una borta, po su dinari. Chi torraus a scioberai su famini, is guerras, is industrias de is bombas inigui ddu agataus sa tumba”. “Deus – at sighiu a naui – bos acumpangit in sa vida e nos agiudit a agatai s’orruga, nosi portit a scioberai su beni po totus e mai s’orruga de su dinari”. “Comenti dogna borta, candu lassaus unu Deus ndi scioberaus un’atru. Tocat a s’arregodai eita naraiat Gesu Cristu: ci funt dus Sennoris, su Sinnori Deus e su sinnori dinari, non si podint serbiri s’unu e s’atru”.

 

 

Foto: https://www.iltempo.it/politica/2020/04/12/news/papa-francesco-striglia-europa-aiutate-chi-ha-bisogno-non-mes-ma-coronabond-riaprite-lavoro-dove-possibile-urbi-et-orbi-benedizione-1313566/