S’Italia abarrat frima po atras tre cidas. Su Presidenti de su Consigliu Conte at decidiu de spostai finas a su tres de maju is mesuras chi furint finas a su 13 de arbili. Calencuna cosa, a dogna modu, si movit e de su 14 de arbili is butegas chi bendint pinnas e paperi e cussas de orroba po pipius torrant a oberri. Finas is butegas de librus ant torrai a oberri.
Totu custu ddu at nau Conte a s’acabbu de unu atobiu longu meda cun is capustrumas de is partidus chi faint su Guvernu, calencunu ministru e su sottosegretariu Riccardo Fraccaro: “Sigheus is mesuras chi furint finas a su 13 de arbili finas a su 3 de maju, fut una decisioni dificili ma tocaiat a dda pigai ca in cust’ora abisongiat sa matessi cosa chi seus fendu”. Conte at sighiu insegus narendu: “Non podeus bociri totu cussu chi eus fatu finas a imoi, poita chi nde chi no est tropu mannu s’erriscu de biri atrus mortus meda. De su tres de maju spereus chi si possat torrai a partiri a bellu a bellu e chi prima de cussa dì ci funt is cunditzionis eus a cicai de torrai a partiri a innanti puru”. A intru de sa fini de custu mesi c’at essi un’atru decretu economicu
Foto: https://www.youtube.com/watch?v=aBfrKFBetSQ
