S’Italia torrat a partiri, a bellu a bellu e cun mesuras ancora tostadas medas. Custu est, in pagus fueddus, cussu chi eriseru a merì at nau Conte in s’atobiu cun is giorronalistas, castiendusì a su 4 de maju. Abarrat cussa sa dì chi at fairi oberri calencuna cosa ma non totu.
Depeus sighiri a si ponni sa mascherina in cara, custu est seguru. De lunis chi benit nosi podeus spostai de unu logu a s’atru in sa matessi regioni, sempiri cun su paperi de s’autocertificatzioni, custa borta finas po andai a biri is parentis. Sonumancu finas a su 18 de maju non si podit andai de una regioni a s’atra, antzis, meglius, ddu podit fairi feti chini tenit abbisongiu de trabagliai e cussus chi tenint problemas de saludi.
Una bona nova est ca si podit torrai a incumentzai a fairi sport finas a tesu de domu, ma feti assolus e poderendusì a distantzia de chini chi siat. Is professionistas chi faint giogus a sa sola podint incumentzai a ddu torrai a fairi, is scuadras invecias depint aspetai su 18. Torrant a oberri is parcus, ma abarrant serradas is zonas po is pipius.
Foto: https://www.ilcorrieredellacitta.com/news/prossima-conferenza-stampa-conte-data-e-orario-del-nuovo-discorso-del-premier.html
