“Po sa Sardigna su Decretu nou est una cundenna a morti”, custus funt is fueddus de su sindigu de Terranoa Settimo Nizzi. “Su pensamentu nostu, de averas, fut ca de su 4 de maju, si torraiat a partiri, certu cun totu is mesuras”, at incumentzau a nai Nizzi. “Oi, invecias, beneus a sciri c agiai nosi poeus moviri a intru de sa regioni ma sempiri po is matessi contus, cun s’aciunta de s’acostai a calencunu parenti”.
Su sindigu pedit a su presidenti de sa Regioni Christian Solinas de pigai una decisioni crara”Cussu chi teneus in Sardigna no est sa propria cosa de sa Lombardia, non podeus tenni is mesuras de sa Lombardia”.
“Cussu chi seus biendu no est cosa, narat ancota su sindigu, podiat essiri giustu inderetura, ma sighiri aici non serbit a nudda. Teneus ancora unu Parlamentu, sa spera est chi si facat intendiri”. Nizzi iat a bolli chi sa genti si possat moviri chena problemas mannus: “Non c’at coragiu. Non si podeus ponni a contai is personis. Is italianus funt genti cun sa conca beni posta in is palas”.
Foto: https://it-it.facebook.com/settimo.nizzibis/
