Bessint a centunoi is mortus de Coronavirus in Sardigna, funt ses in prus de sa dì innanti. Is apestaus, invecias, de candu est incumentzau totu custu erribant a 1280 e funt noi in prus in is urtimas biticuatr’oras.
Est cussu chi narat su bulletinu de s’unidadi de crisi regionali chi dogna dì nos informat. Sa genti chi s’agatat in is aposentus de is ispidalis funt centucuindixi e de custus binti funt in terapia intensiva. Is acorraus in domu calant a 668. Is positivus sanaus erribant a 317 e funt digiaseti in prus e atrus setantunu funt sanaus e totu.
Is positivus s’agatant in numuru de 231 in sa citadi metropolitana de Casteddu, 91 in su Sud Sardegna, 54 in sa provincia de Aristanis, 76 in cussa de Nugoro e 828 in cussa de Tatari.
De oi in Sardigna torrant a oberri is butegas po s’orroba de is pipius, is butegas de is libburus e is studius de is professionistas.
Foto: https://roma.corriere.it/notizie/cronaca/20_aprile_13/regione-librerie-aperte-20-aprile-restano-chiuse-altre-attivita-b12036ce-7d8d-11ea-bfaa-e40a2751f63b.shtml
