Un’atru impestau de su Coranavirus in Sardigna. Custa borta est docau a unu professori casteddaiu de s’Universidadi. Su professori fut a un’atobiu in Udine e candu est torrau a domu fut acaglienturau. In segus s’est scipiu chi atrus puru chi furint a s’atobiu funt impestaus su matessi.
De cussu chi at fatu sciri sa Regioni su professori s’agatat in isolamentu in domu sua paris a sa familia. “Non fait arriolai ma est meglius aici, totu est sighiu de is dotoris ca faint de su meglius insoru”, faint sciri. In su matessi atobiu de Udine ddue fut finas una ricercadora nuoresa, cussa puru, aici fait sciri una rivista nugoresa, posta in isolamentu. Eriseru ant donau cunfirma de sa positividadi de s’imprendidori de corantadus annus chi s’agatat a s’ispidali Santissima Trinità de Casteddu. De eriseru sa nova de sa positividadi a su virus finas de una femina, originaria de su sassaresu, chi s’agatat a su Spallanzani de Roma e bivit de annus meda in sa capitali italiana.
Foto: https://www.agi.it/cronaca/news/2020-03-02/coronavirus-caso-sardegna-cagliari-7285718/
