De Maran a Zenga, de unu allenadori de pagus fueddus a unu chi, de candu giogaiat puru comenti de portieri de s’Inter de sa Sampdoria, at sempiri chistionau meda. Su Casteddu cambiat allenadori e su modu de fairi puru no at essi su matessi. Ddu fait cun d’unu comunicau biora de mesudi e mesu de eriseru, a innanti cun sa nova de ci airi bogau Maran, Maraner e su figliu de Maran etotu, Gianluca, chi fut su match analyst. Sa panchina est abarrada sbuida po pagu tempus poita a pustis prangiu est erribau in Elmas s’allenadori nou: Walter Zenga. Giorronalistas chi ddu aspetanta in s’aeroportu ma Zenga, acumpangiau de su team manager de su Casteddu est bessiu de un’atra janna e non at chistionau cun nemus. Su portieri beciu de sa natzionali italiana est andau inderetura bia Asseminello a bisitai cussu chi de eriseru et sa domu sua. Fut paris a Max Canzi chi at lassau sa scuadra de is piciocus po sighiri Zenga comenti de numuru dus. Zenga at abarrai in Casteddu finas a su mesi de làmpadas de su 2021 e oi at essi presentau a is tifosus e a sa stampa.

 

 

 

Foto: https://www.ilnapolista.it/2020/03/ufficiale-zenga-nuovo-allenatore-del-cagliari/