Bessint a bintiseti is mortus in Sardigna po su Coronavirus. Is ominis de sa Regioni ant difundiui is urtimus numurus de is mortus po Covid-19 in s’Isula. Comenti in Italia e in totu s’orrestu de su mundu, sa genti chi erriscat de prus funti s becius. In Sardigna, difatis, s’idadi media de is mortus est 76,3. Fueddendu de s’idadi de chini si nd’est andau in terra nosta, su prus giovunu teniat feti corantadus annus, s’imprendidori casteddaiu Carrulu Tivinio, su primu mortu, andau in s’atru mundu su 15 de martzu, unu de is primus a s’amalaidai a pustis essiri torrau de una fiera in Emilia Romagna. Su prus beciu, sempiri de is mortus, invecias teniat norantun’annus. Funt binti ominis e seti feminas a non ce dd’airi fata, custu numuru puru torrat a cussus chi funt is numurus i s’orrestu de s’Italia e de su mundu.
Foto: https://www.aslcagliari.it/index.php?xsl=21&s=8&v=9&c=622&esn=Primo+piano&na=0&n=50
