In s’ora chi su Coronavirus erribat in is biddas sardas comenti Tuili, Villaspeciosa e Assemini, e is mortus bessint a bintunu e is positivus, invecias, a cuasi sexentus, si contant finas is mortus sardus chi bivint foras de Sardigna.
Pobidda e pobiddu de Aristanis funt mortus in Milanu: Isidoro Cau de otantaset’annus e Adriana Fenzi de otantadus ant lassau custu mundu, a tesu de is familiaris, in d’un’aposentu de un’ispidali milanesu, castaius feti de dotoris e infermieris.
Is dus, calencuna cida a oi, iant avertiu is primus signalis e, dapoi, fatu is esamis ant scipiu de ndi airi boddiu su virus Covid 19. Inderetura ricoveraus in is dis passadas, a innanti su pobiddu, chi in sa vida trabagliaiat in sa forestali, e insegus sa pobidda si funt arrendius a totu is cumplicatzionis chi funt erribadas.
Isidoro cun Adriana iant lassau sa Sardigna una bintina de annus a imoi e de Aristanis si ndi funt andaus in Milanu po s’acorrai cun is figlius chi de diora iant scioberau de biviri inigui.
Foto: https://www.comune.oristano.it/it/index.html
