Bessit, ma sempiri prus pagu, su numuru de is impestaus in Italia, erribau a prus de 63 mila. In totu su mundu invecias funt prus de 380 mila e is mortus, in totu, cuasi 17 mila.
“Spereus chi siat s’incumentzu de sa lugi chi nosi biat totu paris a trabagliai, poita s’Italia tenit abisongiu de custu”, at nau su capu de sa Lega Mateu Salvini, a s’acabu de s’atobiu cun su Guvernu in Palazzo Chigi. Atobiu chi at bidu in sa mesa totu is partis politicas. Cun Conte e totu is ministrus finas Giorgia Meloni de Fratelli d’Italia e su numuru dus de Forza Italia Antoni Tajani, erirbaus totus cun sa mascherina in faci. Su centrudrestra ant morrungiau cun su guvernu massimamenti po is mesuras de su decretu ministeriali de su presidenti de su Guvernu. Morrungius eja, ma finas totus de acordiu po unidadi e po cicai de fairi calencuna cosa in prus in cust’ora chi s’Italia non iat mai tentu aici legia.
Foto: http://www.ansa.it/sito/notizie/politica/2020/03/23/coronavirus-salvini-parlamento-apra_da4aa86d-5975-4ef0-9e89-3c82aa00cf4b.html
