“Chi feus su doveri nostu e arrespetaus is mesuras de su Guvernu, non feti donant una manu de agiudu ma ponint in seguresa is atrus puru a ndi bessiri de custa emergentzia”. Aici su presidenti de su Guvernu Conte at chistionau de su decretu nou chi aumentat is multas po chini non sighit is regulas, bessendu foras de domu chena peruna cosa de fairi urgenti. Chini bessit si podit pigaia una multa de 300 finas a 3000 euro e po chini ddu fait in machina sa multa e totu podit essiri aumentada de unu tertzu. Po is butegas, invecias, chi oberint chena ddu podiri fairi “si podit erribai a ddus fairi serrai finas a cincu dis”.
Su presidenti at, a pustis, fatu sciri ca dogna cuindixi dis at a chistionai in Parlamentu e ca due funt mesuras noas in is relatzionis intre de Guvernu e Regionis: “Massimamenti is presidentis de is regionis e de is provincias autonomas podint cambiai is mesuras de su Guvernu cun atras peus puru”.
Foto: https://www.ilmessaggero.it/politica/coronavirus_conte_critiche_diretta_facebook_ultime_notizie-5127872.html
