Sighit a bessiri su numuru de sa geni malaida de Coronavirus in Sardigna. Funt sonumancu in 115 a nd’airi boddiu su virus. De custus in setantabatoro funt in domu in isolamentu e un’atra corantina invecias s’agatant in is ispidalis. A pustis is primus dus mortus de Casteddu e de Tatari, sa Sardigna prangit atrus dus sardus disterraus e mortus in Torino e in Codogno.
Sa zona, de s’isula nostra, cun prus malaidus est cussa de Tatari cun prus de sessanta impestaus. Sighit sa zona de Casteddu cun binticuatru e insegus su Nuoresu cun bintunu. Cincu is malaidus in su Sud Sardegna e feti dus, po s’ora, in s’oristanesu.
Po s’assessori a sa Sanidadi de sa Regioni, Mariu Nieddu, su peus depit ancora erribai. S’arrecumandat de abarrai i domu e de ciacai de bessiri feti chi ddu at bisongiu.
Foto: https://www.regione.sardegna.it/j/v/25?s=405731&v=2&c=94253&t=1
