A cras at essi unu mesi chi non si scit prus nudda de Cristian Farris, su piciocu de bintiset’annus de Orroli. De su sabateri orrolesu non teneus peruna nova de lunis bintunu de mesi de salamini, candu un’amigu ddu iat bidu, po s’urtima borta, in is orus de su campusantu de sa bidda de su Sarcidanu. Cristian iat nau ca depiat andai a cena foras ma chena fairi sciri aunia e cun chini. Po sa familia sua est unu mesi de arriolu mannu e de dolori puru.
Sa mamma, Giulia Salis de cincuantadus annus, at chistionau finas eriseru: “Non bogliu perdiri is sperantzias, intendu anintru de mei, ca Cristian est ancora biu”.
Po s’ora sa procura de Casteddu at incumentzau un’indagu po omicidiu e at passau is paperis a sa cumpangia de Isili chi sighit a trabagliai e a arregolli testimonias chi possant agiudai a agatai su piciocu. Vanessa, sa sorri de Cristian, at aciuntu ca “Chi calencunu connoscit calencuna cosa ddu facat sciri finas cun d’una litra anonima”.
Foto: fanpage.it
