In Casteddu dogna familia ndi bogat de buciaca, po s’aliga, cuasi cincugentu eurus. Cun custu dinari Casteddu est sa segunda citadi prus cara de totu s’Italia, a pustis Catania aunia si pagat catodigi eurus in prus. Sa media nazionali est de tregentu eurus e in Tatari est ancora prus bascia: erribat a dugentusetantadus. A fairi sciri totu custus numurus est s’Osservatoriu po su dinari chi si spendit de Cittadinanzattiva chi at pigau in consideru, po carculai totu, una familia de tre personas in d’una domu de centu metrus.
Castiendu sa classifica agataus, a pustis Catania e Casteddu, Trapani (cuatrugentusetantacincu eurus) e dapoi Benevento (cuatrugentusetantunu), Salerno (cuatrugentusessantaseti) e Napoli (cuatrugentucincuantacincu).
Invecias, is citadis aunia si ndi bogat prus pagu dinari funt Potenza (centubintunu), Udine (centusessantaseti) e Belluno (centusessantotu).
Is regionis prus baratas funt su Trentino Alto Adige (centunoranta) cun su Molise (dugentudigianoi); cussas prus caras, invecias, sa Campania (cuatrugentubintunu) e sa Sicilia (tregentunorantacuatru)
Foto: www.theitaliantimes.it/economia/tari-cos-e-come-funziona-tassa-rifiuti-calcolo-scadenza-chi-la-paga_160919/
