Non feti in Sardigna teneus tempus malu cun frius, abba e bentu ma finas in s’orrestu de s’Italia non si brullat. A fairi abominai agitoriu funt massimamente is fruminis in prena comenti s’Arno in Toscana e su Reno in Emilia, chi funt castiaus, a dogna modu, cun atentzioni manna de chini ddu fait sempiri. In su modenesu nì e bentu ant donau problemas mannus a sa correnti elettrica e in prus de bintimila furint chena lugi po bona parti de dominigu ma is tennicus giai ant aconciau totu.

Abba e bentu forti finas in Campania aunia is scolas oi funt abarradas serradas e in Alto Adige aunia po mori de una valanga funt abarraus chena lugi po oras medas in sa Val Martello.

Po imoi parit ca is cosas funt andendu beni ma giai de custu merì, e finas a cras po totu sa dì, at a proiri cun bentus fortis e in is montis prus in artu at erribai su nì. In segus, tra mercuris e giobia eus a biri su soli puru ma giai de cenarla at a proiri e po su fini de cida chi benit tocat a portai sempiri is ogus obertus po dogna perigulu.

 

Foto: https://www.stamptoscana.it/piena-arno-a-pisa-avvio-del-piano-di-protezione-civile/