Si serrat cun cincu nominis sa lista de is candidaus a is Primarias chi faint su Partidu de is Sardus. A is nomins de Mateu Murgia e Antoni Sardu, chi si connosciant giai de calencuna cida s’aciungint Giuanni Paulu Casula, Giuanni Panunzio e su segretariu de su Partidu de is Sardus Paulu Maninchedda chi de custas Primarias est s’ideadori. S’at a votai de su ses a su segi de Mesi de idas po scioberai su candidau comenti de Governadori po is Regionalis de Friargiu 2019. Eriseru fut s’urtima dì aunia si podiant presentai is nominis.
Giuanni Paulu casula est tonaresu e bivit in Igresias aunia est professori de ingresu in s’Asproni-Fermi. Giuanni Panunzio est unu professori de religioni. Antoni Sardu, sorgonesu, est unu imprendidori e at fatu nasciri su Centru Commerciale La Corte del Sole. Mateu Murgia, gibesu, est ingegneri e de bint’annus trabagliat in Casteddu in su sociali. Su segretariu de su PdS, Paulu Maninchedda, in su blog Sardegna e Libertà, arregodat is fueddus chi ant a acumpangiai sa cuntierra po scioberai su candidau a Presidenti: Libertadi, pulitzia e craresa!
