Abba a marigas in custas oras in Sardigna, proit e parit ca po imoi non acabit. Sa Protetzioni civili at mandau a is comunus dus bulletinus, unu de colori arangiu e unu de colori grogu a segunda de is zonas. Cussu a colori de arangiu est po s’Igresienti, Campidanu, Montevecchio-Pischilappiu, Tirso, Gaddura e Logudoro, cussu grogu invecias po sa zona de su Flumendosa e Flumineddu.

In Tatari, Salighera e Bosa is sindigus ant decidiu, giai de eriseru, de serrai totu is scolas, mannas e piticas, po sa dì de oi.

In su mentris sa Comuna de Casteddu at decidiu de serrai is parcus, lassendu obertu cussu de sa Musica e is campusantus.

Tocat a donai crobba. In su 2013, su 18 de Sant’Andria, su cicloni Cleopatra, iat portau sa morti. Digianoi tra omnis, feminas e pipius funt is mortus de cussa dì trista po totu sa Sardigna. Is zonas postas peus cuss’annu funt cussas de sa Gaddura, Su Nugoresu, ma finas sa provincia de Aristanis e su Mediu Campidanu.

 

 

Foto: meteogiornale.it