Sa genti fut giai narendu ca is carabineris iant agatau su corpus de Manuel Careddu, su piciocu macumeresu bociu acostau de s’Omodeo. Invecias, nudda, non dd’ant agatau in su logu chi unu de is piciocus acabau in presoni iat nau: in is orus de s’Omodeo in su territoriu de Bilartzi. Sa cica e is cicadoris non s’arrendint, e apustis sa noti passada torrant a cicai oi.
De Manuel Careddu non si scit nudda de s’undigi de Cabidanni candu est bessiu de domu sua e non est mai prus torrau. Po s’ora cincu piciocus de Abbasanta e Bilartzi funt in presoni cun d’una curpa chi fait apilurtazai. Eriseru sa mama de Manuel at chistionau un’atra borta po pediri su corpus de su figliu. Parit ca si siat atobiada finas cun sa mama de sa picioca de digiaset’annus, originaria de Macumere ma biviat in Abbasanta, in su studiu de s’abogau chi est sighendu su contu po sa familia de Manuel.
Foto: sardegnalive.net
