Su Gip de su tribunali de Aristanis e cussu de su tribunali de is piticus de Casteddu ant decidiu de fairi abarrai in presoni is tres piciocus de bint’annus e de is dus piciocheddus prus piticus de Bilartzia e Abbasanta incurpaus de airi bociu e insegus atacau su corpus de Manuel Careddu, su piciocu de digiot’annus de Macumere chi de s’undigi de Cabidanni non s’est prus bidu. Si cicat su corpus, in s’ora, in su lagu Omodeo. Is tres piciocus mannus, Christian Fodde, Mateu Satta e Rinaldu Carta, abarrant in su presoni de Massama, su piciocu prus piticu de Bilartzia in su presoni po is prus piticus de digiot’annus de Cuartuciu e sa piciochedda, cussa puru minorenni, de Macumere chi biviat in Abbasanta, ce dd’acabat in-d’unu presoni de su Continenti.

Fut scontau ca is Gip iant airi fatu abarrai in presoni is cincu piciocus poita is elementus de curpa, boddius de sa Procura e de is Carabineris de Aristanis, funt mannus deaveras.

 

Foto: unionesarda.it