Sa ministra de sa Difesa Elisabetta Trenta ci bolit biri beni in pissu de is bombas chi benint fatas in Sardigna e portadas in Arabia Saudita. Ddu at scritu craru-craru in su profilu de Facebook, aunia si ligit: “Indenanti a is imaginis de cusu chi sucedit in Yemen de una pariga de annus, non mi possu citiri. Chi abara citia iat essi una fartza. Propriu po custu apu pediu contu, a chini ndi scit prus de mei, de mi nai comenti funtzionat totu custu e biri chi is bombas chi si umperant in Yemen passant de s’Italia”.
Una pigada de positzioni, cussa de su ministru, chi iat depiri interessai finas sa Rwn de Domusnovas chi produsit armas po contu de is tedescus de sa Rheinmetall.
Cussas chi benint fabricadas in Sardigna, po is ambientalistas e pacifistas, ce dd’acabant propriu in Arabia chi dd’as umperat in sa guerra contras su Yemen etotu.
“Sa mia – sighit sa ministra – est una duda manna, politica e comenti de femina puru, finas s’Onu e s’Europa bolint arrespustas craras. Non si podeus prus girai a s’atra parti e fairi finta de non biri”.
Foto: linkiesta.it
