Est giustu s’obrigu de su vacinu?

A intru de s’acabu de su mesi de cabidanni is italianus chi tenint prus de 12 annus ant essi totu vacinaus. Ddu narat su comissariu straordinariu Franciscu Figliolo, fueddendu de s’erribu de atrus cincu milionis de vacinus. Invecias, po cussu chi pertocat sa vacinatzioni de tres, su ministru a sa saludi Robertu Speranza at nau ca s’at a fairi, “cumentzendu, a innanti de totu, po chini tenit atras maladias e po chini tenit prus de otant’annus. Seus ancora chistionendu a intru de su Cts e finas chi Ema e Aifa no ant ancora fatu sciri nudda, deu creu chi s’at a fairi”.
De cussu chi si narat est cuasi seguru chi su green pass at a balliri po un’annu e non feti po noi mesis comenti est oi. Cenarba su Cts s’atobiat e pigat in cunsideru sa proposta de su ministeru de sa saludi: su pensamentu est propriu cussu de allonghiai su tempus de su green pass po atrus tres mesis, po chini at fatu dus vacinus e po cussus chi funt sanaus de su Covid-19. Su guvernu contat de ddu fairi a intru de sa metadi de su mesi ch’intrat.
In pissu de s’obrigu po totus de su vacinu invecias non totus dda pensant a sa matessi manera: “Pedeus tamponis cun sa salia po totus – at nau su capu de sa Lega Mateu Salvini –. Deus oi sempiri contras is obrigus, is italianus ant arrespustu beni a su cumbidu de su vacinu”.
Non dda pensant aici cussus de su Sotziu Natzionali de Biosicurezza, Biotecnologie e Scentzias de sa Vida de sa Presidentzia de su Consigliu de is Ministrus: “Nosu naraus ca giai a s’obrigu vacinali po totus, massimamenti po cussus chi trabagliant, in is postus pubricus, a sa strinta cun atra genti”.
A sa matessi manera est su pensamentu de sa Consulta de Bioetica, a ddu nai est su presidenti Mauritziu Mori: “Po nosu s’obrigu a su vacinu contras su Coronavirus est unu diritu de su citadinu, est de importu mannu”.
Est giustu s’obrigu de su vacinu?
A intru de s’acabu de su mesi de cabidanni is italianus chi tenint prus de 12 annus ant essi totu vacinaus. Ddu narat su comissariu straordinariu Franciscu Figliolo, fueddendu de s’erribu de atrus cincu milionis de vacinus. Invecias, po cussu chi pertocat sa vacinatzioni de tres, su ministru a sa saludi Robertu Speranza at nau ca s’at a fairi, “cumentzendu, a innanti de totu, po chini tenit atras maladias e po chini tenit prus de otant’annus. Seus ancora chistionendu a intru de su Cts e finas chi Ema e Aifa no ant ancora fatu sciri nudda, deu creu chi s’at a fairi”.
De cussu chi si narat est cuasi seguru chi su green pass at a balliri po un’annu e non feti po noi mesis comenti est oi. Cenarba su Cts s’atobiat e pigat in cunsideru sa proposta de su ministeru de sa saludi: su pensamentu est propriu cussu de allonghiai su tempus de su green pass po atrus tres mesis, po chini at fatu dus vacinus e po cussus chi funt sanaus de su Covid-19. Su guvernu contat de ddu fairi a intru de sa metadi de su mesi ch’intrat.
In pissu de s’obrigu po totus de su vacinu invecias non totus dda pensant a sa matessi manera: “Pedeus tamponis cun sa salia po totus – at nau su capu de sa Lega Mateu Salvini –. Deus oi sempiri contras is obrigus, is italianus ant arrespustu beni a su cumbidu de su vacinu”.
Non dda pensant aici cussus de su Sotziu Natzionali de Biosicurezza, Biotecnologie e Scentzias de sa Vida de sa Presidentzia de su Consigliu de is Ministrus: “Nosu naraus ca giai a s’obrigu vacinali po totus, massimamenti po cussus chi trabagliant, in is postus pubricus, a sa strinta cun atra genti”.
A sa matessi manera est su pensamentu de sa Consulta de Bioetica, a ddu nai est su presidenti Mauritziu Mori: “Po nosu s’obrigu a su vacinu contras su Coronavirus est unu diritu de su citadinu, est de importu mannu”.

Màuru Mura

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22”.

Foto: https://www.corriere.it/salute/malattie_infettive/21_maggio_31/covid-sara-davvero-necessaria-terza-dose-ecco-che-cosa-sappiamo-434f03fe-c1e4-11eb-97d8-c46abd749374.shtml