Ant torrau a trabagliai, in Thailandia, po ndi bogai s’orrestu de is piciochedduss e s’allenadori de sa ruta aunia funt de prus de cuindigi dìs. Funt abarraus in ses e s’agatant a cuatru chilometrus de s’essida. Is autoridadis thainlandesas, chi ant chistionau cun sa Cnn, iant bolli acabai totu aintru de oi.
In su mentris is otu piciocus sarvaus eriseru e dominigu abarrant, po s’ora, in isolamentu in s’ispidali de Chiang Rai, po si torrai a pigai a bellu-a bellu de cussu chi ant passau inigui anintru. Is dotoris faint sciri ca funt beni postus, chena caglientura e ce dda faint a chistionai. Unu solu parit chi tengiat calencunu problema a is prumonis e a un’atru ddi batiat su coru non meda beni, ma s’unu e s’atru funt migliorendu de candu funt intraus in s’ispidali.
Po s’ora is babus e is mamas ant bidu is piciocheddus feti de unu birdi, ma giai s’at acoidai a s’imbrassai!
Foto: tgcom24.mediaset.it
