In Sardigna trabagliant in nieddu in prus de noranta mila. Su dinari chi girat po mori de totu custu est de dus miliardus de eurus. Ddu fait sciri una cica de sa Cgia de Mestre chi at trabagliau cun is datus de su 2015, chi funt is urtimus disponibilis, de s’Istat. Sa cica s’est fata, in totu Italia, in pissu de totu cussus trabagliadoris chi non funt iscritus a Inps, Inail e a su fiscu, totu custa genti in Italia funt prus de tres milionis. Numurus aberu de ispantu! Sest unu dannu po totu s’economia e sa Cgia etotu narat ca: “Custus trabagliadoris in nieddu non tenint peruna asseguratzioni, non versant dinari a s’Inps e po su fiscu no esistint. Is solus chi ci godangiant funt cussus chi ddis donant trabagliu, poita podint tenni pretzius prus bacius in totu”. Unu stadu civili non si podit permitiri una cosa aici, poita est una bregungia. S’unica cosa de fairi est cussa de ndi bogai trabagliu po totus, ma parit prus unu bisu che sa realtadi.
Foto: babboleo.it
