Sardigna ainnanti de totus po su pretziu de is domus de pigai in afitu po is ferisa in su mesi de austu: est sa regioni cun prus logus carus che fogu. In is primas binti cussas sardas funt otu. Palau est sa segunda, a palas de s’Isola d’Elba, cun dugentusetantadus eurus feti po una noti.
Is atras seti funt Istintinu, Budoni e Santu Diadoru sempiri in sa provincia de Tatari, Chia, Costa Rei, sa Crabonaxia po sa provincia de Casteddu e Sant’Antiogu po su Sud Sardigna. Po dromiri in custus logus su pretziu a noti non calat a prus pagu de centucincuanta eurus. Chia est sa segunda prus cara in Sardigna cun dugentucorantacincu eurus, tertza Istintinu cun dugentubintidus, sighia de Costa Rei cun dugentuses e in segus Budoni a centuotantatres, Santu Diadoru unu aposentu a centu setantatres e Santu Antiogu a centusessanta.
Foto: topnegozi.it
