Funt duamilaseigentuscuindigi is atziendas chi ant serrau in su2017 inSardigna. Cussas invecias chi ant obertu funt millidugentutrintases.
Unu signali legiu de sa crisi chi at fatu chistionai Confcommercio e sa Confesercenti chi ant finas fatu sciri ca “sa politica non donat peruna croba a is problemas de su cumerciu e de is cumerciantis e lassat chi s’arrangint assolus”.
“Sa crisi – ant nau su presidenti e su rdiretori regionali de Confcommercio Albertu Bertolotti e Pepi Scura – tenit arreiginis profundas. In Sardigna ci funt dus problemas: su primu est cussu de su pagu ecuilibriu tra mannus e piticus; su segundu est ca non ci funt leis giustas po su cumerciu in is citadis e in is biddas”.
Su presidenti de sa cumissioni po su cumerciu Orrobertu Deriu at fatu sciri, a donnia manera, ca “Sa cumissioni est nascia cun su pensamentu de donai una manu de agiudu a totus, butegas e butegheris e totu is artigianus, cun leis noas e modernas. Aintru de su mesi de triulas eus a fairi, cun s’agiudu de totus, una proposta de lei”.
Foto: vendingnews.it
