Sabudu passau, in su museu de arti cuntemporanea de Ulassa, “Stazione dell’arte” ant inaugurau s’amostu “Maria Lai, presepi. Un pezzo caduto di cielo”. S’at a podiri bisitai finas a su 18 de gennargiu. Maria Lai fut nascia in Ulassa in su 1919 e at lassau medissimas operas suas a sa bidda ogliastrina. S’artista sarda est famada e connota in totu su mundu e totus ndi cihistionant comenti de una de is feminas prus mannas de Sardigna. Is trabaglius sûs funt intraus in is palazus istitutzionalis prus importantis de s’Italia: Palazzo Grassi de Venetzia, Palazzo Mirto in Roma, Villa Borghese in Roma, ect… Arregodus de ispantu funt cussus de essiri imbucada in sa Biennali de Venetzia e at portau sempiri in artu su nomini de sa Sardigna e de sa bidda sua. Si morit, issa ma non s’arti sua, su 16 de arbili de su 2013 et est interrada in Ulassa etotu.
