Pagu genti est andada a votai po is eletzionis de Ostia pustis totu is abetias de is cidas passadas: feti su 33%. Ant bintu is grillinus cun Giuliana Di Pillo, femina de cincuantacinc’annus, chi in sa vida fait sa mastra de scola. Is primus fueddus de sa bincidora funt stetius custus: “Est va vitoria de totus is citadinus e de sa gana de torrai a nasciri. De cras apa incumentzai a trabagliai po totu cussa genti chi non tenit prus fiducia in is istitutzionis. Torru gratzias a totus de coru”. Festa manna duncas po is grillinus, e finas sa sindiga de Roma, Virginia Raggi, est erribada a Ostia po festai. “Seus cun is citadinus e intendeus ca custus funt cun nosu po cicai de cambiai is cosas”, funt custus is fueddus de sa Raggi a is preguntas de is giornalistas. Cun s vitoria de Giuliana Di Pillo, su Consigliu nou de su Municipiu X at a tennir sa magioranza de 15 consiglieris grillinus, noi is consiglieris de s’opositzioni dividius in custu modu: dus a Fratelli d’Italia, dus a Forza Italia, dus a su Pd, unu a Casapound, a sa lista civica Bozzi e a Laboratorio civico X.