Funt allirgus medas, in su centru-drestra, a pustis is eletzionis comunalis chi ant amostau sa vitoria de Franciscu Cannizzaro – chi diventat sindigu de sa citadi, dapoi de doxi annus de guvernu de su centru-manca – e de Simoni Venturini, chi at bintu in Venetzia, mancari su centru-manca apat fatu de totu po binciri.
“E finas oi, de sa aboginada meda orruta de su centru-drestra, ndi torraus a chistionai cras”, is primus fueddus de sa presidenti de su Consigliu, Giorgia Meloni, donendu una mirada a is numurus.
In Salerno, invecias, Pissenti De Luca, po sa borta de cincu sindigu de sa citadi cun seti listas civicas, ma chena su simbulu de su Partidu Democratigu, bincit a manus bascias. “Torru gratzias cun su coru a totu is candidaus nostus po sa passioni chi ant postu in sa cuntierra chi non fut po nudda facili – narat De Luca –. Giai de cras eus a cumentzai a trabbagliai po sa comunidadi, in manera funduda e chena nosi frimai”.
Su centru-manca torrat a binciri, chena abbisongiu de torrai a votai, in prus de unu Cumunu in Toscana. Mateu Biffoni, de su Partidu democratigu, at essiri su sindigu de Prato po sa borta de tres, finas gratzias a sa lista civica chi ddu at agiudau.
S’amostat sa vitoria finas in Pistoia, Cascina, Sesto Fiorentino, Incisa et Figline Valdarno (zona rentziana aunia David Ermini curriat contras de su partidu de su presidenti de su guvernu beciu).
Chena si torrai a moviri po torrai a votai finas Pistoia, aunia su civicu de centru-manca, Giuanni Capecchi, torrat a binciri a pustis de noi annus.
A innanti de su votu, de dominigu e lunis passau, in Toscana funt lompius is dirigentis de sa segreteria dem de sa Schlein e de is atrus capus de su Campu largu. “Candu seus paris, bincesu”, torrant a nai totus.
Su centru, chi bias medas serbit a drestra e a manca, si amostat, in pagu cosa est a nai, feti in calencuna partida galu oberta, comenti in Aretzo, aunia si torrat a andai a votai cun in is listas civicas et Atzione cun Marcu Donati, chi ant pigau su binti po centu de is votus.
