Sabudu chi benit, su 31 de gennargiu, a is seti de merì in is aposentus de su Tiatru Alkestis, in s’orruga Antiogu Loru, 31, s’aprontat una gara in poesia improvisada logudoresa. Ant essi is poetas Bruno Agus de Gairu e Giusepu Porcu de Irgoli a s’amostai in pissu de palcu e fari biviri sa maja de is versus. A acumpangiai is dus poetas at essi tu tenore de Ula Tirso. E a ghiai e sterriri at essi su giornalista Pier Sandro Pillonca.
A innantis, a is ses, Banne Sio at a ghiai su cunvegnu “Pàulu Pillonca: sa boghe de sa gara poetica”. In pissu de palcu, a chistionai e arregodai a Pillonca, eus agatai a Bachis Bandinu, Duiliu Caocci, Andria Deplano e Anan Cristina Serra.
