Sa pampa est pàrtia, candu su mengianu fut acabbendu, de sa zona de Bacu Lau po, in segus, lompiri in sa zona de Sa Sitzia, a su costau de su caminu de sa 554. Totu po mori de su bentu, ma finas po totu su busamene e is muntonis de aliga fuliaus intru de caminus e terrenus agriculus.
Su fogu, a pampa arta de averas, c’at papau totu, amelessau is domus e is siendas agricolas in is orus de sa 554, cun calegunu beciu stesiau fians de sa domu. Serrada a is machinas, po oras medas, s’imbucada a su Caminu Statali 387 e finas cussu de sa provinciali. Peruna persona lantiada e, in totu, ses is becius stesiaus chi, a dogna manera, funt contoniaus candu totu est acabbau.
Po ndi smorri su fogu, paris a is vigilis de su fogu, diversas trumas de sa Protetzioni Civili, cincu eliocterus e unu Canadair, finas su sindigu de Selargius Gigi Contu e su sindigu de Pauli Tomasu Locci.
“Unu disacatu ambientali mannu chi, galu un’atra borta, eus castiau chena podiri fairi nudda e chi si podiat mudai in dd’una situatzioni ancora peus. Eus perdiu prus de centu etarus de terrunu agriculu, abrugiaus de su fogu chi su bentu forti at moviu, ma po fortuna non s’agataus innoi a prangiri personis o animalis. Nos est finas andada beni, ca su perigulu fut mannu de averas, poita in is orus de su fogu si ddue agataiant domus e lineas eletricas chi podiant essiri boddias de sa pampa.
Su sindigu selarginu at torrau gratzias a “is vigilis de su fogu sa Protetzioni civili, s forestale, is carabineris, sa politzia, is vigilis de Selargius, is barracellus, s’Anas e totu sa genti chi s’est posta a agiudai. Est unu disacatu mannu chi in donnìa ndi boddit su coru de s’isula nosta”.
De sa Sardigna est una de is cosas peus, comenti fait s’omini a abrugiai sa terra aunia bivit? Seus aici postus mali? Eja, comenti in totu is istadis!
