Funt trintunu is giogadoris lamaus de Fabiu Pisacane po s’agatai oi in su Crai Center de Assemini. Su nomini de prus importu, po sa compora de is giogadoris, est cussu de Giuanniluca Gaetano: mancat pagu de averas poita ‘s’Atalanta ddu pighit po sei, ma po s’ora su giogadori napoletanu est ancora in totu e po totu ancora de su Casteddu. Non s’agatat, in is giogadoris lamaus, Zito Luvumbo, torrau de sa Spagna aunia at giogau cun su Maiorca, chi de seguru at essi bendiu, In su mentris in is trintunu si ddue amostanti s giogadoris de mesucampu Demi Adarakiri e Alissandru Romano.
Sa scuadra de Fabiu Pisacane at abarrai in su Crai Center de Assemini po totu custa cida e cussa benienti, cun is provas fisicas cras e pustis e is primus allenamentus chi ant a cumentzai dominigu. In segus su Casteddu at a bessiri in Ponte di Legno, aunia at abarrai a aprontai su campionau de ocannu chi benit de mercuris bintidus de triulas finas a su sabudu primu de austu. Intru de is convocaus non si ddue agatant Riyad Idrissi chi est ancora in cumbata cun su genugu strupiau in su campionau passau e nemancu Yerry Mina chi finas a eriseru a noti fut ancora in cumbata, po sa Colombia, in is campionaus de su Mundu de fubalu.
Custu totu su paris de is giogadoris lamaus de Pisacane:
Portieris: Elia Caprile, Atanas Kehayov, Boris Radunovic, Alan Sherry;
Giogadoris de difesa: Franciscu Gallea, Nigola Grandu, Adam Obert, Nigola Pintus, Othniel Raterink, Juan Rodriguez, Davidi Veroli, Mateusz Wieteska, Grabieli Zappa, Zé Pedro;
Giogadoris de mesu campu: Micheli Adopo, Demi Akarakiri, Nigolò Cavuoti, Alisandru Deiola, Giuanniluca Gaetano, Joseph Liteta, Mateu Prati, Alisandru romano, Ivan Sulev;
Giogadoris de atacu: Agustin Albarracin, Gennaru Borrelli, Pitanu Di Paolo, Pitanu Esposito, Matia Felici, Paul Mendy, Kingstone Mutandwa, Yael Trepy.
