Su calori non mollat e caglientat ancora sa Sardigna. Su termometru at giumpau, de meda e un’atra bia, is coranta gradus, cun su record in Benetuti e in Orani, aunia is temperadus pigadas de s’Arpa si funt amostadas in 43,1 gruadus. E galu in atras biddas: 42,2 in Berchidda e 41 in Otzana, Oschiri, Guasila e Utieri.
In Casteddu, a sighimentu de s’avisu de su Ministeriu de sa Saludi po su calori meda in custas dis, su Centru Operativu Comunali tzerriau de su sindigu Massimu Zedda at decidiu sa serrada a sa genti, pop onni atentzioni manna de is campusantus citadinus, est a nai cussu de Bonaria, de Santu Miali e de Pirri, de mesudì e mesu finas a is cuatru de pustis prangiu. Finas su Parcu de Tuvixeddu, po is dis de oi seixi e cras, cenarba su dixiasetti.
Difatis, sa temperadura intendia chi s’at a podiri tocai in custas duas dis est de coranta gradus. Balit ancora finas s’avisu, sempiri po su calori meda, giai spainada in is dis passadas de sa Protetzioni Civili regionali.
Abarrat arta, a dogna manera, s’atentzioni de is servitzius sanitarius e de is servitzius socialis cun su su “Pronto intervento Sociale” a su numuru 3496865769, chi funtzionat a dogna ora de sa dì, e cun su portellitu de ascurtu in su telefunu, aprontau cun s’agiudu de sa Grugi Orrubia, po segnalatzionis e lompimentu allestru massimamenti po is becius e sa genti chi sunfrit. Su numuru de umperai est su 070.0933671, chi futzionat dogna dì de is otu a mesudì e de is cuatru e mesu a is seti de merì.
Su Cumunu de Casteddu arregodat in prus finas ca cun s’ordini numuru tres de su 17 de làmpadas passau, aunia sa presidenti de sa Regioni at cumandau mesuras po sa saludi de is trabbagliadoris chi trabbagliant in logu obertu in is fileras agricolas, in s’edilitzia e in s’impiantistica chi funt a erriscu mannu.
