Latinu in su classicu e matematica in su Liceu Scientificu. E, dapoi, limba e cultura strangia in su Linguisticu, Scentzias umanas in su Liceu de is Scentzias umanas, disciplinas progetualis po su Liceu Artisticu, Teoria, analis e compositzioni po su Liceu Musicali e Tecnicas de sa dantza po su Liceu Coreuticu.
Eris su Ministru de s’Istrutzioni at amostau is materias de dus de s’esami de maturidadi de su 2025.
Custas totu is materias chi ant essi sa prova scrita de dus de is scolas tecnicas: Economia de sienda po s’indiritzu “Aministratzioni, Finanza e Marketing” (Limba inglesa in su pars “Relatas internatzionalis po su marketing”, Informatica in su paris “Fileras informativas aziendalis”) e Lingua inglesa po su paris Turismo; Geopedologia, Economia e Estimo po su paris “ Fraigamneus, Ambienti e Territoriu”; in su paris “Informatica e telecomunicatzionis” Informatica po su paris “Informatica” e Telecomunicatzionis po su paris “Telecomunicatzionis”; Progetatzioni multimediali in su paris “Grafica e comunicatzioni”; Economia, Estimo, Marketing e Legislatzioni po su paris “Produtzioni e mudamentu” e “Gestioni de s’ambienti e de su territoriu” de is scolas agrarias (Enologia po su paris “Viticoltura e enologia”).
In totu is contus de sa maturidadi de ocannu s’agatat una nova: chini at a tenni su 6 in sa condota at a depiri fairi unu compitu in pissu de sa citadinantzia ativa e solidali donau de su consigliu de classi. “At essi unu esamini chi cunsentit a dogna piciocu de donau su meglius de cantu imparau in is annus de scola e chi at a tenni contu de sa manera de condota – narat su ministru Valditara – s’obietivu nostu est una scola cun calidadi sempiri prus arta, aunia sa personi, sa cultura e s’educatzioni ant essi sempiri prus de importu”.
Immoi sa bocia passat a is discientis.
Màuru Mura
Giobia, su trinta de gennargiu de su 2025
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://www.scuolalink.it/maturita-2025-ecco-quando-scopriremo-le-materie-della-seconda-prova/
