At essi Franciscu Fourneau de Roma s’arbitru de sa partida intru de su Casteddu cun su Parma de lunis chi beni a is noi oras mancu unu cuartu. Si giogata in Emilia, arregodaus, a pustis chi su Casteddu s’at giai giogau cuatru partidas in domu intru de is primas cincus de su campionau.
Forneau tenit corant’annus e tenit a is palas giai 41 partidas fatas in serie A, ma ocannu ancora non dd’at dirigiu manc’una. In sa carriera sua, s’arbitru romanu, at atobiau po cuatru bias sa scuadra de sa capitali sarda e su Casteddu no at mai perdiu, est a nai ca feti ocannu passau, cun su matessi arbitru, iat bintu contras de sa Salernitana po 4-2 e paregiau cun s’Inter, in Milanu, po 2-2.
Cagliari Calcio e Kinsgtone Mutandwa hanno trovato l’accordo: il contratto del calciatore sarà valido fino al 30 giugno 2028.
Torrendu a sa partida de lunis, su Csteddu ddue lompit a pustis una cida de ritiru e apustis sa vitoria contras de sa Cremonese po 1-0 in Coppa Italia. Est partida de importu po Nicola e is giogadoris ca po immoi su Casteddu est s’urtimu in classifica cun feti dus puntus. Sa cida passada est lompia sa sonada un s’Empoli e immoi su Casteddu si ndi depit scidai. Su Parma, chi est bessiu ocannu passau de sa Serie B, est truma chi at fatu cincu puntus in cincu partidas, ma at amostau, a s’imbessi de sa scuadra de Nicola, unu giogu bonu e calencunu giogadori forti de averas. Duncas est partida perigulosa, ma chi su Casteddu podit binciri.
In su fratempus sa sociedadi cun s’atacanti Kingstone Mutandwa ant allonghiau s’acordiu intru de issus chi at a balliri finas a su 30 de làmpadas de su 2028.
Su giodadori zambianu, chi at a lompiri a 21 annus su 5 de gennargiu benienti, est lompiu in Sardigna ocannu passau e at fatu sa partida de unu in Serie A, a pustis airi giogau cun sa scuadra de is giovunus, su tres de martzu de ocannu in sa partida perdia contras de s’Empoli po 1-0.
Màuru Mura
Cenarba, su bintiseti de cabidanni de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.aiaroma.it/serie-a-a-francesco-fourneau-salernitana-juventus/
