Sa calada in Serie B? Nosi seus bocius a manu nostra, in manera perfeta. Cali est imoi s’obietivu? Non cussu de torrai a bessiri po fortza, ma torrai a ponni is basis, poderendu pagus giogadoris a partiri de Deiola, chi iat podit essi su capitanu de su benidori”.

Fueddus de su DS de su Casteddu Stevini Capozucca, chi at fueddai cun su dg Mariu Passetti in su primu atobiu cun is giornalistas de fatu sa retrocessioni in serie B. Is scusas, medas a is tifosus, sa difesa de su presidenti Giulini e perunu fueddu chi facat bisai. Antzis, po chini scit ligiri intru de is errigas, is cosas mudant, finas poita non s’at a ponni su matsssi dinari po pagai is giogadoris.

“Nosi intendeus totus in curpa de cussu chi est sussediu, tocat a si scusai cun totus e mi intendu unu traitori, cumentzat aici Capozucca. “Naraia sempiri ca a ci calai in serie B non fut cosa po nosu poita su Casteddu teniat una squadra forti. Su mundu de su Casteddu est lantiu, e nosu depeus feti pediri scusa a totus”.

Is curpas? “De totus, fut de totus partendu de sa sociedadi. Deu e totu m’incurpu de is  scioberus chi eus fatu. Imoi pagat totu Giulini, ma est cussu cun prus pagus curpas. Deu e is agiudantis mius eus cicau de ddue poni totu sa sabientzia, scioberendu giogadoris chi nosi pariant is meglius. Creia chi Mazzarri, cun s’esperentzia manna chi teniat nosi podiat sarvai, ma no est bastau e candu intendu chi c’eus bogau Semplici tropu allestru unu pagu mi dda pigu: at tentu tres possibilidadis fendu feti unu puntu cun d’una scuadra chi teniat feti catodixi giogadoris e de custus tres funt portieris”.

“Meda de is giogadoris chi teneus immoi no ant a podiri giogai in Serie B, ma candu apu bistu su disisperu de Deiola, chi no at essi unu campioni mannu, ma tenit su coru sardu, apu cumprendiu de aunia depeus torraia a partiri”.

 

 

7 de làmpadas de su 2022

 

 

Màuru Mura

 

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://footballnews24.it/cagliari-urge-profondo-cambiamento-capozucca-invoca-labbassamento-dei-costi/