Su Rei Carrulu de Tres istat “meglius. Non teneus particolaridadis in pissu de su cancru chi dd’at picigau. Ma tenit setantacincu annu e parit chi siat in dd’unu bonu caminu. Mi narant ca est migliorendu in manera crara”. Funt is fueddus de Robert Hardman, chi lompint de sa Bretagna Manna, amostadas de su giornali Repubblica. Hardman, est a nai, de sempiri sighit is contus de su Rei inglesu.

“Nemus a intru de su palatzu reali est preparendusì a su peus – aciungit ancora Robert Hardman – né po ocannu e nemancu po ocannu chi benit. Non s’agatat una cura crara po su cancru: ddu depis feti frimai. E, in custu tempus, po cussu chi mi narant e chi sciu, parit chi si siat frimau”.

A sa pregunta chi Carrulu de Tres lassit sa cadira sua a atrus, Hardman arrespundit aici: “Non creu chi custu at a sussediri in sa monarchia nosta. Finas poita William, po s’ora, non bolit bessiri in is pumus artus in custa manera. Carrulu podit sighiri a trabagliai intru de sa maladia, aici comenti at fatu sa mamma Elisabeta. E dapoi, finas chi sa chistioni diventat grai meda, s’agatant atras solutzionis comenti cussus chi bnint tzerriaus ‘Consiglieri de Stadu’. Sa monarchia lestra est stetia un’abbisongiu poita ca su mundu est mudau. Est a nai puru ca Harry, Meghan e Andria si funt postus a un’ala e non ddi bolint intendiri”.

Po cussu chi narat su scritori, a dogna manera, no est custu s’annu peus po sa familia de is Windsor: “Chini ddu at biviu, scit ca su 1992, candu est morta Diana, est stetiu peus. Poita sa monarchia, tandu, fut de averas in perigulu”. Harry cun Meghan “ant fatu unu scioberu chi non mi parit apat portau cosas bonas. Is curpas de ratzismu a sa familia, po nai, funt chena perunu costrutu. A mmi parti ca issus siant stetius consigliaus mali de averas. No ant godangiau peruna popolaridadi in prus e non dd’ant fata perdiri a is atrus de sa familia”.

 

 

Màuru Mura

 

 

 

Sabudu, su binticincu de maju de su 2024

 

 

Attività realizzata col contributo della Regione Sardegna – Imprentas 2023-2024. Legge Regionale 22/2018

 

 

Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018

 

 

Foto: https://www.ilgiornale.it/news/personaggi/si-stanno-preparando-peggio-paura-re-carlo-iii-2314606.html