Is duas feminas prus famadas de sa politiga italiana non si ddas mandant a nai, una narat e s’atra inderetura spundit. Custa borta in chistioni est su mes, est a nai su Mecanismu europeu de stabilidadi chi is Stadus a intru de s’Unioni Europea podint otenni. Est dinari chi benit donau a certas cunditzionis.

“Cussu in pissu de su Mes è una chistioni italiana meda e finas ideologicu su matessi, est sa testimonia de is positzionis chi tenint is prtidus chi s’agatant una borta in su Guvernu e un’atra foras. Non si podit fueddai de su Mes chi non si connoscit totu. Calencunu fueddu mi fait erriri, comenti cussus de sa segretaria de su Partidu Democratigu Elly Schlein chi narat: ‘non podeus tenni frima totu s’Europa’. Forsis non scit ca su Mes est realtadi, chinu ddu bolit ativai ddu podit fairi in manera trancuilla. Forsis tocat a si pregontai poita, in dd’unu tempus aunia totus feus sartus po cuperai dinari, nemus ddu bolit ativai: custa est sa chistioni de oberri”. At narau sa presidenti de su Consigliu Giorgia Meloni, fueddendu in sa presentada de PhotoAnsa2023.

“Chi fut de fundamentu a ddu fairi partiri a lestru, seis stetius cuatr’annu a cumandai e poita non ddu eis fatu?”, at sighiu a nai Meloni, pregontendu a su centrumanca. E at, a pustis aciuntu: “Pensu chi a essiri strumentantalis in chistionis aici facat feti disacatu a s’Italia. Unu guvernu seriu tenit contu de dogna cosa e non si movit feti po ideologia”.

Inderetura at arrespustu sa segretaria de su Partidu Democratigu: “Giorgia Meloni fait su giogu de is tres cartas. Est tropu impressia a difendiri una manovra economica chi non si podit difendiri e si ndi scarescit de s’orrestu. Su de unu: cussu de su cali si chistionat no est s’ativatzioni de su Mes, ma sa sa ratifica chi ddu mudat. Su de dus: bintises Stadus in pissu de bintiseti ant giai ratificau is mudamentus. Funt natzionis guvernadas de dogna colori politigu. Su de tres: abarrat feti s’Italia, poita sa drestra est presonera de sa propaganda”.

 

 

 

Màuru Mura

 

 

Lunis, s’undixi de mesi de Idas de su 2023

 

Attività realizzata col contributo della Regione Sardegna – Imprentas 2023-2024.

Legge Regionale 22/2018

 

Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018

 

Foto: https://www.ansa.it/sito/notizie/politica/2023/03/14/meloni-schleinprimo-confronto-tra-donne-leader-in-aula_c0e62e01-e7e1-457a-9ab9-9dd5bf4cb364.html