“Oi apu agiudau unu giornalista a fairi su trabagliu su in manera prus facili. Trabagliat po sa trasmissioni ‘Fuori dal coro’ e at cicau de chistionai cun totu is amigus mius de candu fui piciocheddu pregontendu chi a mimi pragiant is mascus e chi tengiu calencuna cosa de atacai. Si ddu nau chena perunu problema: a mie pragint is feminas, ma chi mi pragiant is mascus ddu iari nau inderetura”.
Cumentzat aici una de is “storias” pubricadas de su rapper Fedez, chi torrat in Instagram a pustis non ddu airi umperau po tempus meda. Spiegat beni a chini ddu sighit sa situatzioni aunia s’est agatau. Po cussu chi narat Fedez sa trasmissioni de Rete 4 “Fuori dal coro”, iat airi fatu un’indagu in pissu de is gustus sessualis de issu. Est Mariu Giordano cussu incurpau de Fedez chi non ddu mandat a nai a su giornalista. “Seis una fogna de su s’arti de scriri”, narat Fedez, chi amostat unu videu aunia si bit sa giornalista de sa trasmissioni nenduru: “Chi depeus essiri precisus apu intendiu feti una personi, ma chi bolit cussu chi eus girau de s’intervista si ddu possu amostai”. S’arrespusta de su giornalista de Rete 4 non s’est fata aspetai meda, e at torrau is curpas a chini ddu at incurpau: “Fedez stimau, as faddiu. ‘Fuori dal coro’ no at mandau perunu giornalista a pregontai a is amigus tus is gustus sessualis de candu fus piciocheddu. Mi dispragit a ti deludiri, ma custa cida eus amostai, in sa trasmissioni, un’indagu in pissu de sa sanidadi, de sa seguresa, de is domus ocupadas e mancu unu servitziu po tui. Po custu ti nau de incurpai calencun’atru, nosu non c’intraus nudda”.
Una cosa tocat a nai: iat essi meglius de chistionai de cosas unu pagu prus de importu e non a torrai in cussu basu in su palcu de Sanremo intru de Fedez et Rosa Chemical. Ma seus, a dolumannu, in Italia. Passientzia
Màuru Mura
Lunis, su binti de friargiu de su 2023
Foto: https://www.repubblica.it/spettacoli/people/2023/02/18/news/fedez_contro_fuori_dal_coro-388509207/
