Su Casteddu ci calat in Serie B! Unu merì marigosu meda cussu de su Penzo de Venetzia, aunia de fatu giungiat novas bonas de s’Arechi de Salerno cun s’Udinese chi unu in fatu de s’atru at fatu cuatru gol. Bastaiat unu gol e su Casteddu non ce dd’a fata a ndi fairi unu in cale chi siat modu. Est giust aici a s’acabbu: Casteddu in serie B e tifosus chi prangint po un’annada chi , a pustis massimamenti de sa vitoria cun su Torinu, partiat foras de is giogus. De fatue ita et susssediu? Problemas de su su spogliatoiu? Fueddus bolaus candu non depiant?
Denanti a prus de seticentus tifosus is piciocus de Agostini non cedda faint a binciri una scuadra comenti su Venetzia chi fut giai cundennada a sa Seie B e ndi torrant in Sardigna cun feti unu puntu, calendudenci a s’inferru paris a su Genoa e a is matessis venetzianus. Sa Salernitana cuasi non ci creit: ndi boddit cuatru gol in domu insoru ma si sarvant chena farta.
Po totu sa partida de Venetzia is orrubius-asulus ant fatu sa partida: difesa arta meda chena perou agatia perunu spatziu. S’abacu peus o una scuadra chi forsis in totu su campionau at tentu s’ocasioni po torrai a bessiri; legias is partidas perdias cun su Spezia e cun su Verona e peusu ancora, finas chi torraus cun d’unu puntu, cussa de Salerno de tres cidas a oi. A su cumentzu de sa segunda parti e su campionau, cunu cussus cuindixi puntus erribaus in otu partida, pariat cosa fata.
Imoi si cicant is curpas: una de Segura est cussa de sa sociedadi candu at fraigadu sa scuadra e finas a nci airi bogau Semplici a pustis feti tres partidas e a poderaia Mazzarri finas a cuasi s’acabbu de su campionau.
Unu chi non si minesciat totu custu fut Alisandru Agostini, chi fut prangendu giai des’acabbu de sa partida.
Is urtimas cidas po s’allenadori beciu de su Casteddu funt stetias sciolloriadas: “Sa tristura prus manna de sa carriera mia? Po immoi giai. Soi dispragiu e disisperau po no airi sarvau su Casteddu. Totu s’atru non contat! Pedu scusa a is tifosus e non m’atacu de is responsabilidadis mias”.
23 de maju de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Foto: https://www.fanpage.it/sport/calcio/cagliari-retrocesso-in-serie-b-salernitana-travolta-ma-salva-ultimi-90-agonici-in-serie-a/
