Is eletzionis cumunalis de su 12 de làmpadas ant postu in dificultadi manna is partidus. Tocat a pensa i puru ca de fatu dus annus de Covid s’atividadi politiga apetotu non est stetia prus sa matessi. In bintiseti in pissu de sessantacincu biddas s’est presentada sonumancu una lista. Custu bolit nai ca at a serviri su “quorum” de su 40% po fairi su sindigu nou. In sa lista aunia s’est presentada feti una lista spantat agatai Cumunus mannus comenti Carloforte o Arzachena. De mancu spantosus funti s atrus ma ddue agatasus biddas comenti Orune, Teti, Nuradda, Pramantellu, Girasole, Lodine, Aidomagiore, Seneghe, Zerfaliu, Florinas e Semestene.

Sa nova bona est ca, custa borta, in totu is biddas lamas a mudai s’aministratzioni s’est presentada sonumancu una lista. Aici comenti in Sorgono, chi fut ghiau de su cumissariu, e Semestene, biddigedda de centucorantatres personis. Pagaas is feminas candidadas a sindigas: feti su 22%, chi bolit nai binticuatru in pissu de 109. In totu, intru de mascu e feminas funt 1790 is candidaus a is Consiglius Comunalis.

Feti una citadi de provincia ata andai a votai, Aristanis, e in totu ant essi duxentumila is personis chi s’at presentai cun sa scheda eletoriali in manus. De seguru, cun numuru aici piticus, no at essi una prova de fortza po sa magiorantzia chi ghiat sa Regioni. Est finas beru chi Aristanus e Selargius – is solus chi gimpant is cuindiximila personis, duncas si podit andai a duas votatzionis, funt de, cuasi sempiri, logus aunia su centrudresta bincit facili. Finas una vitoria no a su primu turnu, o in manera non manna, iat podiri sa su scoviamentu de s’allianza chi de s’atra parti chi at fatu de totu po si crendidiri dificili sa vida cun su sciometu de Massimillianu Sanna, de is Riformadoris, comenti de candidau a sindigu de sa citadi de Eleonora.

Po cantu pertocat su Centrudemanca-e Steddaus tocat a chistionai de duas cosasa: su de unu est de su Pd, chi at depiu aprontai is listas cun su cumisariamentu congressuali, su de dus es ca is steddauschi at fatu daus listas: una in Selargius e una civica in Aristanist cun arrasta steddada in ambaduas.

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://www.google.com/search?q=comunali+elezioni+2022&source=lnms&tbm=isch&sa=X&ved=2ahUKEwihkfbxgOT3AhXhg_0HHaWfD7wQ_AUoAnoECAEQBA&biw=1920&bih=872&dpr=1#imgrc=eL8BMLVMEbXcdM