Cun is regulas noas po sa sa pesta, chi funt intradas de su primu de Arbili, in Casteddu torrant, e fut ora, in presentzia is celebratzionis de sa Cida Santa.

Giai seguras, duncas, totu is traditzionis e is processionis de s’Addolorada de su Giobia Santu e de is misterus, de su Cenarba Santu e Sabudu Santu, finas a Pasca Manna.

Po is atobius de prus importu mannu s’aspetant turistas medas puru, ca de sempiri est de aici. Pensaosì ca de su seixi a su dixianoi de arbili cincu navis de strangius ant a erribai cun prus de otumila bisitadoris.

Intru totu is atobius, de ammaju, aprontaus a sa propria ora in prus de una cresia o  oruugas o logus chi contant in Casteddu, de s’Arciconfraternita de sa Solitudini, de s’Arciconfraternita de su Santissimo Crocifisso, de s’Arciconfraternita del Gonfalone, de sa Congregatzioni Marina de is Artieris de Santu Miali e de su Sostziu De Santa Maria Chiara, finas sa tzirimonia de Su Scravamentu” de Gesu Cristu de sa Grugi in sa Catedrali de Santa Maria.

Intru de is atobius prus aspetaus cussu de is tres prucessionis de s’Incontru su mengianu de Pasca Manna in Corso Vitorio Emanuele, in prassa Santu Jagu e in Orruga Roma. C’at essi finas sa bessida de duas po Sant’Efis de su Lonis, bestiu a lutu, su lunis de s’Angilu, un’atobiu chi si fut frimau po mori de sa pesta.

“Fut ora, a pustis de dus annus de Coronavirus, podeus torrai a fairi totu s uchi eus sempiri fatu in presentzia”, is fueddus de s’Assessori a sa curtura, Maria Dolores Picciau. “Creu ca a is casteddaius custus dus annus funt mancaus meda, e sciu giai ca s’emotzioni at essi comenti atras pagu bortas”, sighit a nai s’assessora.

“Soi cunvintu ca is traditzionis nostas possant donai auna manu de agiudu mannu a fairi connosciri Casteddu in tou s’orrestu de su mundu”, at aciuntu s’assessori de is Atividadis Produtivas Alissandru Sorgia.

Is sotzius funt trabagliendu po tenni s’identificatzioni de parti de sa Regioni de s cida santa casteddaia, comenti giai sussediu in Igresias e Casteddu Sardu.

 

 

Màuru Mura

 

 

 

 

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22

 

 

Foto: https://parrocchiemeda.it/2022/04/09/settimana-santa-2022/