Cuasi una una pagi eletorali po portai su Guvernu Draghi a pigai misuras urgentis po is bulletas energeticas chi benint a costai sempiri de prus. Sa proposta chi in is dis passadas dda iat fata Carrulu Calenda, immoi dda bolit finas Mateu Salvini, ma “chena fairi frimai sa campagna eletorali”, narat, cichendu de nai ca su capu de Atzione “timit de perdiri”.
Su segretariu de sa Lega in su giru chi est fendusì in Calabria pedit, o meglius cumbidat, is atrus “leaders” a ndi chistionai. “Bastat un’atobiu in zoom po cicai de agatai una solutzioni chi andit beni a totus”, at nau, cumbidendu Conte, Calenda e Letta, donendu po seguru ca is amigus suus, Berlusconi e Meloni, siant de acordiu.
“Eus cuantificau in trinta miliardus de eurus s’interventu chi si depit fairi po frimai is aumentus e chena andai contras is regulas europeas”, at nau.
“Mancu mali – narat Calenda – sonumancu unu c’est erribau. Po mei nosi podeu biri oi e totu po cicai de agatai un’acordiu poita chi nde chi no at essi unu disastru po totus”. Galu una mesa po s’atobiai in custu sensu non c’est e non si bit nemancu. Dogna partidu donati s arretzetas proprias chena acurtai is atrus.
Conte, faint sciri de su M5S, pedit de tempus medas un’atobiu intru is partidus po is bulletas: su presidenti beciu de su guvernu at sempiri chistionau de recuperai is 9noi miliardus de ‘extraprofitti’ perdius in caminu de su guvernu”, allonghiendu “sa tassatzioni finas a is setoris de is potecarias e de is asseguratzionis”. Manca Italiana e birdis pedint de “donai inderetura in is contus currentis de is familias e de is impresas is cincuanta miliardus de ‘extraprofitti’ de is sociedadis energeticas”. Su Partidu Dmocratigu invecias fait sciri, po bogi de Erricu Letta, ca is “contus chi at a pigai su Guvernu Draghi depint essiri seguras e fatas coidendu sia in Italia che in Europa. De seguru ant agatai s’acordiu nostu”.
Màuru Mura
Su 29 de austu de su 2022, lunis
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://www.nicolaporro.it/allarme-sul-costo-dellenergia-ecco-2-folli-motivi-del-caro-bollette/
