Sauli Niinistö e Sanna Marin, chi funt presidenti e “premier” de sa Finlandia, ant nau eriseru, in d’unu documentu, de bolliri intrai in sa Nato, chena mancu ddue pensai.

Est una nova storica po custu Stadu de sa Scandinavia, chi de annus est né de una parti e nemancu de s’atra, chi no est contu de pagu, benit a pustis a s’invasioni russa in Ucraina.

Sa nova at allirgau totu is is capus de is istitutzionis de s’europa: “S’unidadi e sa solidariedadi de sa Nato e de sa Ue non funt mai stetias aici acanta. S’oberit unu caminu a su scioberu de sa Finlandia a sa Natao. Una decisioni storica de averas, chi candu at a a benni uficiali, at agiudai meda a sa seguresa de totu s’Europa. Cun sa Russia, chi movit guerra a S’Ucraina è unu sinnali de diversidadi”, at nau su presidenti de su Consigliu Europeu Charles Michel.

“Su scioberu de Helsinki a sa Nato at lompiri chena problemas e inderetura”, at nau invecias su segretariu generali de s’alleanza Jens Stoltenberg.

Ma sa nova finlandesa, chi arregodus est a lacana cun sa Russia, esrriscat de ponni in difficultadi meda is relatas cun Mosca de s’Ocidenti. “S’intrada de sa Finlandia in sa Nato iat essi un’amelessu po totus”, ant fatu sciri de su Cremlino.

Po cussu chi narat Dmisti Peskov, chi narat cusssu chi pensat Putin “s’arrespusta de s Russsia a s’imbucu de sa Finlandia in sa Nato, est de biri a s’scotiamentu de s’alleanza a is lacanas russas. Mosca, a dogna manera, at aciuntu Paskov, “at a pigai is mesuras chi at a bolli”.

Spingendu sa Finlandia a intrai in sa Nato “si puntat a fairi unu amelessu nou a sa seguresa de is sordaus russus”, at avertiu su ministru de is strangius de sa Russia “e at a tocai a pigai mesuras de atra manera chi sa Finlandia at a intrai in sa Nato.

In su benidori un’atra pensada comenti cussa de sa Finlandia est pronta de parti de sa Svetzia, chi lunis s’ata atobiai po intrai in sa Nato.

 

13 de maju de su 2022

 

 

Màuru Mura

 

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

Foto: https://www.ansa.it/sito/notizie/mondo/2022/05/12/finlandia-governo-dice-si-a-ingresso-nella-nato-_d3342cfc-c780-429f-b0bd-effdbeca74c0.html